Спасеноски: Партиите треба внимателно да дискутираат околу изборниот праг

Министрите за европски прашања од земјите-членки на ЕУ се состануваат денеска од 10 часот во рамките на Советот за општи работи на ЕУ, и ги подготвуваат двата претстојни самити на лидерите, јави дописничката на МИА од Брисел. На дневен ред е првично Украина, финансиската и хуманитарната помош од ЕУ, енергетските и прехранбените последици за Европа и за светот, но и апликацијата на Киев за членство во Европската Унија. Повеќе министри пред почетокот на Советот изразија поддршка за кандидатурата на Украина во ЕУ, но чекаат прво Европската Комисија да објави стручно мислење. Ова мислење се очекува во текот на јуни, а потоа ќе биде тема на дискусија на лидерите на ЕУ на самитот на крајот од јуни. Австриската министерка за ЕУ, Каролин Естатлер, меѓу другите, порача дека не смее да се заборави дека треба да започнат и преговорите за членство со Албанија и Македонија, кои чекаат формално отпочнување на овој процес од март 2020. Една од најважните теми за министрите денеска ќе биде енергетската безбедност на ЕУ и подготовките за зимата, додека земјите преговараат за нов пакет санкции против нафтениот сектор во Русија, тема за која сѐ уште не успеваат да постигнат согласност. Европските министри ќе разговараат и за прехранбената безбедност, со оглед на тоа дека Русија и Украина се двете најважни извозници на житарици не само во Европа туку и за голем дел од светот. На дневен ред денеска е и сослушување на Украина во рамките на процедурата за владеење на правото.

Полската министерка за клима и животна средина Ана Москва објави дека Полска одлучила да го раскине договорот со Русија поврзан со гасоводот Јамал. – Полска го раскина меѓудржавниот договор од 1993 година поврзан со Јамал. Руската агресија врз Украина потврди дека одлуката на полската Влада да биде целосно независна од рускиот гас беше правилна. Отсекогаш знаевме дека Гаспром не е доверлив партнер, објави министерката Москва на Твитер. Русија минатиот месец го прекина снабдувањето со гас за Полска и Бугарија преку гасоводот Јамал-Европа.

Делови од Шпанија се зафатени од топлотен бран со рекордни температури за месец мај. Шпанската национална метеоролошка агенција „АЕМЕТ“ издаде предупредувања за високи температури во 17 региони, а во градот Хаен во Андалузија се измерени 40,3 степени Целзиусови. Медиумите извесуваат дека луѓето на југот на Шпанија бараат најразлични начини за да се разладат, дури и со капење во градски фонтани. Регистрираната температура од 40,3 степени е за 16 степени повисока од просечната за овој период од годината. Во останатиот дел од земјата се измерени температури за најмалку седум степени повисоки од просекот. Од „АЕМЕТ“ со предупредување дека топлотниот бран може да биде еден од најинтензивните во последните 20 години. Во многу места низ Шпанија температурата во раните утрински часови не се спушти под 25 степени. Со топлотни бранови се соочуваат и други места низ светот, меѓу кои Индија и Пакистан, како и делови од САД, пред се сојузната држава Тексас.

Премиерот Димитар Ковачевски во придружба на ќерката Тамара Ковачевска и делегацијата на Владата на Република Северна Македонија, којашто е во дводневна посета во Рим и Ватикан во рамките на традиционалните свечености во чест на 24 Мај – Денот на сесловенските просветители Светите браќа Кирил и Методиј, денеска беше примена од неговата светост Папата Франциск. Претседателот на Владата Ковачевски имаше тет-а-тет средба со Неговата светост Папата Франциск, по што следуваше приемот на ќерката на претседателот на Владата како и останатите членови на делегацијата на Северна Македонија, Бујар Османи, министер за надворешни работи, Оливер Спасовски, министер за внатрешни работи, Бисера Костадиновска Стојчевска, министерка за култура, Мартин Попов, шеф на Кабинет на Претседателот на Владата, Ана Андреева, секретар за комуникации, односи со јавност и протокол, Даријан Сотировски директор на Комисија за односи со верски заедници, Никола Јанкуловски ректорот на УКИМ, Пимен Илиевски митрополитот на МПЦ-ОА, Јосиф Тодоровски митрополитот на МПЦ-ОА и Зоран Стојанов декан на струмичка епархија на Католичка црква и Марија Ефремова, амбасадорката на Република Северна Македонија во Ватикан. На аудиенцијата кај Светиот отец Франциск, како една од централните активности од програмата за чествување на животот и големото дело на Светите Кирил и Методиј, премиерот Ковачевски изрази благодарност за посетата на Папата Франциск на нашата земја во 2019 година која што беше прва посета на предводник на Римокатоличката црква запишана како историска. За време на разговорот на средбата со Папата Франциск беше истакната улогата на Светите браќа Кирил и Методиј кои со својата мисија да го шират христијанството на јазик разбирлив за словенските народи извршија и мисија на поврзување на народите на Европа. Северна Македонија и Ватикан, беше нагласено на средбата, од воспоставувањето дипломатски односи од пред 28 години, со посветеност и меѓусебно почитување градат пријателство базирано на заеднички историски, културни и верски традиции и значајни ликови како Светите браќа Кирил и Методиј и Света Мајка Тереза. На средбата беше поздравена отпочнатата иницијатива за потпишување на темелен договор (конкордат) помеѓу Северна Македонија и Светата Столица, за да се регулира статусот на Католичката црква во нашата земја и за унапредување на соработката во областите од взаемен интерес, особено во делот на соработката меѓу образованите институции и архивите на двете земји. Премиерот Ковачевски истакна дека на огромно негово задоволство со Папата Франциск се согласија дека поддршката на најранливите наши сограѓани во време на криза е суштината на нашето делување. Почитувањето на разликите како еден од  столбовите на градењето на општество во кое има место за сите е пресликана во традицијата на меѓурелигиска толеранција, почитување на разни верски убедувања како и негувањето на слободата и демократијата во Република Северна Македонија. На средбата меѓу Премиерот Ковачевски и македонската делегација со Папата Франциск беа споделени пораки за надеж и желба за просперитет во постпандемискиот период, но и во време на справување со најголемата криза досега, истакнувајќи дека плодната соработка со Ватикан ќе се продлабочи, бидејќи ги делиме истите вредности на меѓусебно разбирање, поддршка за најранливите, еднаквост, толеранција и човечко достоинство. Премиерот Ковачевски на Папата Франциск му подари рачно изработен фрагмент со калиграфско пишување на рачна изработена хартија од пофалното слово на Свети Климент Охридски, бројаница со традиционален охридски бисер и филигран, како и винил плоча од македонскиот виртуоз Влатко Стефановски.

„Длабока почит на св. Кирил Филозоф – творец на бугарското писмо. Во пресрет на 24 мај, големиот ден на бугарската духовност, да потсетиме дека наше е да ја чуваме традицијата на светите браќа Кирил и Методиј“. Ова го истакна премиерот Кирил Петков пред гробот на Св. Кирил во базиликата Сан Клементе во Рим, јавува БТВ. Премиерот присуствуваше на божествена света литургија во базиликата и на аџилак на моштите на Свети Кирил.